Title: Baap Se Batein Karo Akbar
Nohakhawan: Mir Hasan Mir
Poet: Mir Takallum Mir
Album: 2024
Noha Lyrics in English
Jawan Lal Ko Maqtal Say Jab Utha Kay Chale
Hussain Rote Rahay Our Pisar Say Kayhte Rahay
Khamosh Na Ho Baap Say Baten Karo Akbar (a.s)
Hum Tum Ko Mila Dein Ge Phophi Jan Say Ja Kar
Khamosh Na Ho Baap Say Baten Karo Akbar (a.s)
Aye Lal Kaleje Main Abhi Dard To Hoga
Nikla Hai Lahu Itna Badan Sard To Hoga
Tum Chup Ho Tu Chaltay Hain Meray Qalb Pe Khanjar
Khamosh Na Ho Baap Say Baten Karo Akbar (a.s)
Qadmo Ki Taraf Say Hain Uthaye Hoye Baba
Our Sar Ki Taraf Say Hain Sanbhale Hoye Zahra
Aankhon Ko Zara Khol Kay Dekho To Ye Manzar
Khamosh Na Ho Baap Say Baten Karo Akbar (a.s)
Tum Khon Ugalte Ho To Bhar Jata Hai Chulo
Batlao Karein Zabt Kahan Tak Meray Aansoo
Beta Nikal Aaye Ga Kaleja Mera Bahir
Khamosh Na Ho Baap Say Baten Karo Akbar (a.s)
Darya Pe Gaye Ho Ge Jo Ladte Hoye Beta
Jaldi Say Batao Mera Phat-ta Hai Kaleja
Kis Haal Main Hai Lasha e Abbas (a.s) e Dilawar
Khamosh Na Ho Baap Say Baten Karo Akbar (a.s)
Tum Khud Bhi Samajhtay Ho Ye Majbori Meri Hai
Aahista Jo Chalta Hoon Kamar Tooti Hoi Hai
Thoda Sa Safar Baqi Hai Himmat Karo Dilbar
Khamosh Na Ho Baap Say Baten Karo Akbar (a.s)
Beta Humein Maidan Ki Rodad Sunao
Kia Haal Hai Ab Payas Ka Baba Ko Batao
Angothi Dahan Say Kiun Nikal Aayi Hai Bahir
Khamosh Na Ho Baap Say Baten Karo Akbar (a.s)
Mathe Say Paseena Tu Abhi Saaf Kiya Hai
Kia Zakhm Ki Takleef Nay Munh Khol Diya Hai
Sansein Kiun Meri Jan Nahi Aatin Barabar
Khamosh Na Ho Baap Say Baten Karo Akbar (a.s)
Sheh Bolay Takallum Kay Utho Aa Gaya Khaima
Sayene Say Zara Hath Hata Lo Meray Beta
Iss Haal Main Dekhe Gi To Mar Jaye Gi Madar
Khamosh Na Ho Baap Say Baten Karo Akbar (a.s)