Eid Mubarak Ali Walon Ko.
Eid Mubarak Nabi Walon Ko.
Sari Dunya Ko Eid Mubarak.
Hain Jis Jis Kay Nabi Maula Ossi Kay.
Ali Maula Banaye Ja Rahay Hain.
Muhammad Muskuraye Ja Rahay Hain.
Ali Maula Banaye Ja Rahay Hain.
Falak Nayechay Nazar Aane Laga Hai.
Ali Itnay Uthaye Ja Rahay Hain.
Muhammad Ko Khabar Hai Khaslaton Ki.
Bhagoray Hain Bithaye Ja Rahay Hain.
Parhatay Hain Muhammad Pora Kalma.
Sahi Muslim Banaye Ja Rahay Hain.
Kiye Jo Zulashera Main Khuda Nay.
Wohi Waday Nibhaye Ja Rahay Hain.
Manat Our Laat, Uzza Hain Woh Dekho.
Jo Kab Se Munh Banaye Ja Rahay Hain.
Fitrus Banoon Tu Dekhney Jaon Ghadeer-e-Khum.
Apne Paron Pay Likh Kay Main Laon Ghadeer-e-Khum.
Mil Jaein Rastay Main Agar Sheikh Jee Mujhe.
Narey Laga Laga Kay Sunaon Ghadeer-e-Khum.
Laga Kar Narah-e-Haider, Abuzar.
Kissi Ka Dil Jalaye Ja Rahay Hain.
Utha Kar Hath Haider Ka Muhammad.
Bulandi Se Dikhaye Ja Rahay Hain.
Ali Kay Jashan Main :ZEESHAN:-o-:MEESUM:.
Qasiday Gun Gunaye Ja Rahay Hain
Istefada e Kalam Arif Imam Faqeer
Ali Mola Banaye Ja Rahe Hain
Poet: Zeeshan Abidi
Manqabat Khuwan: Mesum Abbas
Manqabat Volume: Mesum Abbas 2023-24