Sadaqakatoon ka Yah Maiyar Ban Kay Niklay
Haqiqaton Kay Alamdar Ban Kay Niklay Hain.
Nabhi Kay Sath Hain Hasnain Aur Ali-o-Batol.
Khuda Kay Noor Ka Shahkar Ban Kay Niklay Hain.
Jo Aik Roz Akhate Howay The Zair-e-Kisa.
Woh Aaj Haq Kay Madadgar Ban Kay Niklay Hain.
Anokhi Shan Say Pancho Mubahilah Kay Liye.
Khuda Kay Dein Kay Parastar Ban Kay Niklay Hain.
Koi Bhi Cheez Muqabil Nahi Thehar Sakti.
Kuch Aise Dhang Say Karar Ban Kay Niklay Hain.
Jo Laa Shareek Nahi Mantay Hain Khaliq Ko.
Yah Unn Kay Waste Talwar Ban Kay Niklay Hain.
Yah Kainat Banai Gayi Hai Jin Kay Liye.
Aqeedaton Kay Woh Maimar Ban Kay Niklay Hain.
Peein Gay Jaam-e-Wila Mil Kay Aaj Hum "SAHIL"
Mawali Iss Liye Maikhowar Ban Kay Niklay Hain.
Eid Mubahila
Poet: Irfan Sahil Gujranwala